Kegeyli rayonı "Abat" APJda 105 mıń AQSh dolları muǵdarındandaǵı grant qarjıları esabınan ishimlik suwı támiynatı jaqsılandı
2025-11-21 16:00:00 / Ministrlik
BMSh Rawajlanıw baǵdarlamasınıń joybarı sheńberinde ámeldegi suwdı dushshılandırıw stanciyası tolıq modernizaciyalandı, 12 kub/saat quwatlılıqqa ie jańa EKOS sisteması ornatıldı hám suw tarmaqları qurıldı. Joybardıń ulıwma bahası 105 mıń AQSh dollardı quraydı.
Iske qosılǵan sistema házirgi waqıtta "Altımshaq" posyolkasındaǵı 250 shańaraqtı, yaǵnıy 1 250 adamdı taza ishimlik suwı menen támiyinlemekte. Obekt rayonlıq suw támiynatı balansına qabıl etilip, úylerge jalǵanıw hám keyingi xızmet kórsetiwge juwapker boladı. Joybardıń ámelge asırılıwı xalıqtıń turmıs sharayatların sezilerli dárejede jaqsılaydı hám alıs awıllıq jerlerde suw támiynatınıń turaqlılıǵın arttıradı.