Qaraqalpaqstan Respublikası Ministrler Keńesiniń Baslıǵı F.Ermanov basshılıģında qarar orınlanıwı kórip shıģıldı
2025-11-13 09:55:00 / Ministrlik
Shımbay rayonında Húrmetli Prezidentimizdiń "Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında"ǵı PQ-132-sanlı qararınıń orınlanıwın támiyinlew maqsetinde májilis bolıp ótti.
Májiliste Qaraqalpaqstan Respublikası Ministrler Keńesiniń Baslıǵı F.Ermanov shıǵıp sóylep, Shımbay rayonın 2025–2026-jıllarda jedel kompleksli rawajlandırıw baǵdarlaması sheńberinde ámelge asırılıp atırǵan jumıslardıń jaǵdayın hár tárepleme talqıladı. Sonday-aq, rayonda alıp barılıp atırǵan keń kólemli qurılıs jumıslarına da ayrıqsha toqtap ótti.
Májilis dawamında tiyisli taraw basshılarınan qarardıń orınlanıwın shólkemlestiriw boyınsha rejeleri tıńlandı.