Ministrler Keńesi Jámiyetlik keńesiniń baslıǵı hám "Yuksalish" ulıwma milliy háreketiniń Qaraqalpaqstan Respublikası aymaqlıq bóliminiń wákilleri menen birgelikte múrájatlar menen islesiw bóliminiń jumısı menen tanısıw jumısları ámelge asırıldı.
2025-11-12 12:10:00 / Ministrlik
Bólim jumısı menen tanısıw dawamında múrájatlar menen islesiw sisteması, puqaralardıń arza hám usınısların qabıl etiw, olardı tallaw hám orınlanıwın qadaǵalaw processleri menen tanısıldı. Sonday-aq, puqaralardıń múrájat mádeniyatın arttırıw, ashıq-aydınlıqtı támiyinlew, xalıqtıń mámleketlik uyımlarǵa bolǵan isenimin bekkemlew máselelerine ayrıqsha itibar qaratıldı.
Ushırasıw juwmaǵında múrájatlar menen islesiw boyınsha sistemalı qatnastı jáne de jetilistiriw, xızmetkerlerdiń mamanlıǵın arttırıw hám puqaralarǵa kórsetilip atırǵan xızmetlerdiń sapasın jaqsılaw boyınsha tiyisli usınıslar berildi.