Nókiste bántlik hám isbilermenlik yarmarkası ótkerildi
2026-08-04 18:30:00 / Министрлик
Bul yarmarkada Qaraqalpaqstan Respublikası Kámbaǵallıqtı qısqartıw hám bántlik ministrligi hám aymaqlıq bólimler tárepinen puqaralarǵa bar bolǵan bos jumıs orınları usınılıp, olardı jumıs penen támiyinlew hám isbilermenlik jumısın jolǵa qoyıw boyınsha zárúr maǵlıwmat hám másláhátler berildi.
Sonday-aq, kommerciyalıq banklerdiń qánigeleri tárepinen isbilermenlik jumısın baslaw tilegindegi puqaralarǵa jeńilletilgen kreditler hám mámleketlik subsidiyalardan paydalanıw tártibi boyınsha túsinikler berildi.
Miynet yarmarkasında 441 kárxana hám shólkem 1 732 bos jumıs ornı menen qatnastı. 439 jumıssız puqara qatnasqan ilajda 103 puqara turaqlı jumısqa ornalasıw ushın jollama aldı, 20 adam kásip-ónerge oqıwǵa jiberildi.
Sonday-aq, puqaralarǵa miynet hám bántlik máseleleri boyınsha huqıqıy másláhátler berildi.