Qaraqalpaqstan Respublikasında 2026-jıldıń yanvar-iyun aylarında xalıqtıń bántligin támiyinlew, dáramatların arttırıw hám kámbaǵallıqtı qısqartıw boyınsha keń kólemli jumıslar ámelge asırıldı.

Atap aytqanda usı waqıt aralıǵında 15 mıń 871 puqara turaqlı jumısqa jaylastırıldı, 25 mıń 825 rásmiy emes jumıs ornı legallastırıldı, 69 mıń 714 puqaranıń dáramatı arttırıldı. Sonday-aq, 3 mıńnan aslam jumıssız jaslar kásip-óner hám isbilermenlik kónlikpelerine oqıtıldı.

Máhállelerde bahası 307,5 milliard sumlıq 2 251 joybar ámelge asırılıp, 6 430 puqaranıń dáramatı arttırıldı. Kishi hám orta biznesti qollap-quwatlaw maqsetinde 3,4 trillion sum kredit qarjıları ajıratıldı.

 

Xalıqtıń bántligin támiyinlew maqsetinde 100 den aslam miynet yarmarkaları ótkerilip, olarda 1 700 kárxana hám shólkem 5,5 mıńnan aslam bos jumıs orınları menen qatnastı. Nátiyjede derlik 2 700 jumıssız jastıń bántligi támiyinlendi.

Kámbaǵal shańaraqlar menen mánzilli islesiw sheńberinde 15 mıń 164 shańaraqqa 20 mıńnan aslam xızmet kórsetilip, 6,9 mıń puqara jumısqa jaylastırıldı, 12,2 mıńǵa subsidiya hám kreditler ajıratıldı, 10,2 mıń puqara isbilermenlikke tartıldı.

Ámelge asırılǵan ilajlar nátiyjesinde Qaraqalpaqstanda jumıssızlıq dárejesi 5 procentten 4,6 procentke, kámbaǵallıq dárejesi bolsa 6,6 procentten 4 procentke azaytıldı.