Puqaralardıń huqıq hám mápleri qorǵalmaqta
2026-07-28 18:30:00 / Министрлик
Bozataw rayonında «Sociallıq profilaktika hápteligi» sheńberinde ámeliy ilajlar bolıp ótti.
Ilajǵa rayon hákimi B.Ubbiniyazov, rayon prokurorı J.Ashirbaev, rayonlıq Ishki isler bóliminiń baslıǵı U.Kurbanbaeva, rayonlıq Salıq inspekciyası baslıǵı A.Arziev hám rayon aymaǵındaǵı mákeme, shólkemlerdiń juwapker xızmetkerleri qatnastı.
Ilaj dawamında xalıqtıń bántligin támiyinlew hám jumıssızlıqtıń aldın alıw maqsetinde "Bos jumıs orınları" miynet yarmarkası shólkemlestirilip, onda 10 puqara jumıs penen támiyinlendi.
Bunnan soń usı ilaj sheńberinde rayondaǵı 4 sektor basshılarınıń qatnasıwında puqaralardıń múrájatları qabıl etildi.
Ilaj dawamında qatnasıwshılarǵa Ózbekstan Respublikası Prezidentiniń 2026-jıl 5-yanvardaǵı PQ-1-sanlı qararınıń áhmieti keń túrde túsindirildi hám sociallıq profilaktikanı kúsheytiw, puqaralardıń huqıqları menen máplerin qorǵaw, jaslardı qollap-quwatlaw boyınsha áhmietli máseleler haqqında túsinikler berildi.