Imkaniyatlardan únemli paydalanǵan hayal
2026-07-07 18:30:00 / Министрлик
Ózbekstan Respublikası Prezidentiniń arnawlı qararı tiykarında Qaraqalpaqstan Respublikasınıń Bozataw, Qanlıkól, Moynaq hám Shomanay rayonlarında shańaraqlıq isbilermenlikti rawajlandırıw baǵdarlamaları sheńberinde shańaraqlıq kreditler 12% stavkada ajıratılıwı belgilengen edi.
Búgingi kúnde usı qarar tiykarında jaratılǵan keń imkaniyatlar xalqımızdıń bántligin támiyinlew, hayal-qızlar isbilermenligin qollap-quwatlaw hám shańaraqlardıń dáramat dáreklerin keńeytiwge xızmet etpekte.
Istiń kózin bilgenlerdiń biri - Shomanay rayonınıń "Aybúyir" APJ aymaǵında jasawshı Shayda Áwyezova bolıp tabıladı. Ol joqarıdaǵı ibratlı baslamadan únemli paydalanıp, 50 million sum muǵdarında 12 procentlik jeńilletilgen kredit aldı hám sport kiyimlerin tigiw cexın iske qostı.