Qaraqalpaqstan Respublikası Bozataw rayonı hákimligi

Bozataw rayonında “Insan qadiri ushın” prinsipi tiykarında belsendi hayal-qızlar hám nuranıy analar menen ushırasıw ótkerildi.

Ótkerilgen ushırasıwǵa Bozataw rayonı IIB baslıǵı polkovnik U.Kurbanbaeva, rayon hákiminiń orınbasarı, shańaraq hám hayal-qızlar bólimi baslıǵı A.Xojageldieva, sonday-aq, deputatlar, “Bozataw” PPJ aymaǵında jasawshı belsendi hayal-qızlar hám nuranıy analar qatnastı.

Ushırasıwda hayal-qızlar arasında huquqbuzarlıq hám jınayatshılıqtıń aldın alıw, turmıstan qıynalǵan hayal-qızlardı zorlıq hám basımnan qorǵaw, erte nekeniń aldın alıw, shańaraqlıq qádiryatlardı bekkemlew, hayal-qızlardı hár tárepleme qollap-quwatlaw máseleleri haqqında sóz etildi.

Sonday-aq, shańaraq muqaddes dárgay ekenligi, shańaraqlarda ajırımlardıń aldın alıw, perzent hám ata-ana ortasındaǵı qatnasıqlardı bekkemlew baǵdarda máhálledegi órnekli hayal-qızlardıń alıp barıp atırǵan jumıslarına ayrıqsha toqtap ótildi.

Kanalǵa aǵza bolıw:https://t.me/bozataw_uz