Qaraqalpaqstan Respublikası Bozataw rayonı hákimligi

Bozataw rayonında Korrupciyaǵa qarsı gúresiw boyınsha ushırasıw bolıp ótti. 

Bolıp ótken ushırasıwǵa Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bólimi baslıǵı B.Matmuratov, Bozataw rayonı hákiminiń orınbasarı R.Berdimuratov, tiyisli mákeme hám shólkem basshıları qatnastı.

Ushırasıw dawamında korrupciyaǵa qarsı gúresiw baǵdarında sistemalı jumıslardı kúsheytiw, mámleketlik xızmetkerler arasında hadallıq hám hújdanlılıq principlerin bekkemlew, puqaralar arasında huqıqıy sawatlılıqtı arttırıw, sonday-aq, korrupciyalıq jaǵdaylardıń aldın alıw haqqında sóz etildi. 

Bunnan soń, taraw juwapkerleri tárepinen ámelge asırılıp atırǵan jumıslar, anıqlanǵan mashqalalar hám olardı saplastırıw boyınsha dodalanıp, korrupciyaǵa qarsı gúresiw boyınsha orınlarda ámelge asırılıp atırǵan profilaktikalıq ilajlardıń nátiyjeliligin arttırıw zárúrligi atap ótildi.  Ilaj dawamında juwapkerlerge tiyisli tapsırmalar berildi hám bul baǵdardaǵı jumıslardı kúsheytiw boyınsha anıq wazıypalar belgilenip, aymaqlarda úgit-násiyat jumısları alıp barıldı.

Kanalǵa aǵza bolıw:https://t.me/bozataw_uz