Ózbekstan Respublikası IIM JQD Huqıqbuzarlıqlar profilaktikası xızmeti baslıǵınıń orınbasarı polkovnik U.Abdullaeva Bozataw rayonı “Qusxanataw” APJ máhálle jetiligi menen ushırastı.
2025-06-21 01:00:00 / Jańalıqlar
Ózbekstan Respublikası IIM JQD Huqıqbuzarlıqlar profilaktikası xızmeti baslıǵınıń orınbasarı polkovnik U.Abdullaeva Bozataw rayonı “Qusxanataw” APJ máhálle jetiligi menen ushırastı.
Ushırasıw barısında Ózbekstan Respublikası Prezidentiniń 2025-jıl 3-yanvar kúngi “2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sisteması iskerligin jánede asırıw boyınsha is-ilajlar haqqında”ǵı PQ-1-sanlı qararında kórsetilgen wazıypalardı ámelge asırıw boyınsha “Qusxanataw” APJ aymaǵında ámelge asırılıp atırǵan jumıslar haqqında sóz etildi.
Ótkerilgen ushırasıwǵa Qaraqalpaqstan Respublikası IIM JQX Huqıqbuzarlıqlar profilaktikası bólimi baslıǵınıń orınbasarı podpolkovnik H.Reymkulova, Bozataw rayonı IIB baslıǵı polkovnik U.Kurbanbaeva, Bozataw rayonı hákiminiń orınbasarı A.Xojageldieva hámde máhálle jetiligi, sonday-aq, rayonlıq IIB xızmetkerleri qatnastı.
Ushırasıw dawamında máhálle jetiligi hám rayonlıq IIB xızmetkerlerine qarardıń mazmun-mánisin keń túrde túsindirilip, aldaǵı islenetuǵın jumıslar belgilep berildi. Bunnan soń, máhálle jetiligi menen jol kartasına kirgizilgen máseleler boyınsha dodalandı.
Kanalǵa aǵza bolıw:https://t.me/bozataw_uz