Bozataw rayonında “Áhmiyetli 90 kúnlik” ilajı sheńberinde qızlar hám oqıwshı jaslar arasında “Voleybol” hámde “Mentall arifmetika” jarısları ótkerildi.
2025-06-21 00:40:00 / Jańalıqlar
Bozataw rayonında “Áhmiyetli 90 kúnlik” ilajı sheńberinde qızlar hám oqıwshı jaslar arasında “Voleybol” hámde “Mentall arifmetika” jarısları ótkerildi.
“Áhmiyetli 90 kúnlik” ilajı sheńberinde Bozataw rayonı orayında jaylasqan 1-sanlı ulıwma orta bilim beriw mektebi sport zalında qızlar arasında sporttıń “Voleybol” túri boyınsha jarıs ótkerildi.
Jarıstıń ashılıw saltanatına Ózbekstan Respublikası IIM JQD Huqıqbuzarlıqlar profilaktikası xızmeti baslıǵınıń orınbasarı polkovnik U.Abdullaeva, Qaraqalpaqstan Respublikası IIM JQX Huqıqbuzarlıqlar profilaktikası bólimi baslıǵınıń orınbasarı podpolkovnik H.Reymkulova, Bozataw rayonı IIB baslıǵı polkovnik U.Kurbanbaeva, Bozataw rayonı hákiminiń orınbasarı A.Xojageldievalar qatnasıp, oqıwshı jaslarǵa áwmetler tiledi.
Sport jarısında rayon aymaǵındaǵı máhállelerden kelgen komandalar qatnasıp birinshilik ushın óz-ara bellesti. Jarıs juwmaǵında jeńimpaz komandalar anıqlanıp shólkemlestiriwshiler tárepinen tayarlanǵan diplom hám medallar menen sıylıqlandı.
Bunnan soń, Bozataw rayonı Jaslar isleri bólimi hám Mektepke shekemgi hám mektep bilimlendiriw bólimi menen birgelikte mektep oqıwshıları arasında “Mentall arifmetika” bellesiwi ótkerildi. Tańlaw juwmaǵında jeńimpaz bolǵan oqıwshılar diplom hám bahalı sawǵalar menen sıylıqlandı.
Kanalǵa aǵza bolıw:https://t.me/bozataw_uz