“Korrupciyaǵa qarsı gúresiw aylıǵı”
2025-05-22 17:45:00 / Jańalıqlar
Qaraqalpaqstan Respublikası mektepke shekemgi hám mektep bilimlendiriw ministrliginiń 2025-jıl 8-maydaǵı “Korrupciyaǵa qarsı gúresiw aylıǵın ótkeriw haqqında”ǵı 172-sanlı buyrıǵı tiykarında “Korrupciyaǵa qarsı gúresiw aylıǵı” ilajı 2025-jıldıń 1-may hám 1-iyun kúnleri aralıǵında ótkeriliwi belgilengen.
Usı múnásibet penen Bozataw rayonı mektepke shekemgi hám mektep bilimlendiriw bólimine qaraslı 6-sanlı ulıwma orta bilim beriw mektebiniń 5-9-klass oqıwshıları arasında “Biz korrupciyaǵa qarsımız” atamasında súwretler tańlawı ótkerildi.
Bunday ilajlardıń ótkeriliwi oqıwshı jaslarda korrupciyaǵa qarsı immunitetti rawajlandırıw hám korruppciyasız keleshek jaratıwǵa túrtki bolatuǵın qádemlerdiń biri esaplanadı.
Kanalǵa aǵza bolıw:https://t.me/bozataw_uz