#Ashıq_sáwbet
2026-06-09 11:45:00 / Jańalıqlar
#Ashıq_sáwbet
Bozataw rayonında jaslar isbilermenligin rawajlandırıw ushın sharayatlar jaratıw boyınsha ámelge asırılıp atırǵan jumıslar haqqında
Bozataw rayonında jaslar isbilermenligin rawajlandırıw boyınsha qanday jumıslar ámelge asırılmaqta?
Bozataw rayonı Jaslar isleri bólimi baslıǵı N.Tóremuratov penen ótkerilgen ashıq sáwbet dawamında jaslardı bánt etiw, olardı isbilermenlikke tartıw hám biznes baslamaların qollap-quwatlaw baǵdarındaǵı jumıslar haqqında sáwbetlestik.
Soraw: Rayonda jaslar isbilermenligin qollap-quwatlaw boyınsha qanday imkaniyatlar jaratılmaqta?
Juwap: Ózbekstan Respublikası Prezidentiniń 2025-jıl 14-fevraldaǵı PQ-60 hám PQ-61-sanlı qararlarınıń orınlanıwın támiyinlew maqsetinde rayonda bir qatar ámeliy jumıslar alıp barılmaqta. Atap aytqanda, PQ-61-sanlı qarar tiykarında “Keleshekke birinshi qádem” joybarı sheńberinde 5 jasqa jámi 77 million sum muǵdarında jeńilletilgen kredit qarjıları ajıratıldı.
Soraw: PQ-60-sanlı qarar sheńberinde qanday nátiyjelerge erisildi?
Juwap: Usı qarar tiykarında 6 jastıń isbilermenlik jumısın jolǵa qoyıwı hám keńeytiwi ushın jámi 520 million sum muǵdarında kredit qarjıları ajıratıldı. Nátiyjede 11 jastıń biznes baslamaların qollap-quwatlaw ushın jámi 597 million sumlıq finanslıq járdem kórsetildi.
Soraw: Bunday joybarlardan gózlengen tiykarǵı maqset ne?
Juwap: Tiykarǵı maqset - jaslardıń bántligin támiyinlew, olardı isbilermenlik jumısına keńnen tartıw, dáramat dereklerin jaratıw hám jaslar arasında biznes kónlikpelerin rawajlandırıwdan ibarat. Usı arqalı rayonda jaslar isbilermenligi jáne de rawajlanıp barmaqta,-deydi N.Tóremuratov.