"Jaslar kúni" múnásibeti menen jaslar menen ashıq sáwbet ótkerildi
2026-06-12 10:30:00 / Jańalıqlar
"Jaslar kúni" múnásibeti menen jaslar menen ashıq sáwbet ótkerildi
"Jaslar kúni" múnásibeti menen Bozataw rayonı hákimi B.Ubbiniyazov, Jaslar isleri agentligi Qaraqalpaqstan Respublikası basqarması baslıǵı P.Maxsetbayev, rayon prokurorı J.Ashirbayev hám rayon Ishki isler bólimi baslıǵı U.Kurbanbaevalar qatnasıwında isbilermenlikke qızıǵıwshı hám jumıssız jaslar menen ushırasıw shólkemlestirildi.
Ushırasıw dawamında jaslardıń bántligin támiyinlew, olardı isbilermenlikke keńnen tartıw, óz biznesin jolǵa qoyıw ushın jaratılıp atırǵan imkaniyatlar hám mámleket tárepinen kórsetilip atırǵan qollap-quwatlaw mexanizmleri haqqında tolıq maǵlıwmatlar berildi.
Sonday-aq, jaslar tárepinen bildirilgen usınıs hám baslamalar tıńlanıp, olardı qıynap atırǵan máseleler boyınsha ashıqtan-ashıq sóylesiw alıp barıldı. Juwapkerler tárepinen múrájatlardıń hár biri hár tárepleme úyrenilip, olardı sheshiw boyınsha tiyisli wazıypalar belgilep alındı.
Ilaj juwmaǵında jaslardıń isbilermenlik hám kásiplik jumısqa bolǵan qızıǵıwshılıǵın jáne de arttırıw, olardıń bántligin támiyinlew hám turmısta óz ornın tabıwına járdemlesiw baǵdarındaǵı jumıslar izbe-iz dawam ettiriletuǵını atap ótildi.