Qaraqalpaqstan Respublikası Bozataw rayonı hákimligi

Bozataw rayonında “Basshı hám jaslar” ushırasıwı bolıp ótti

Bozataw rayonında “Jaslar kúni” sheńberinde “Basshı hám jaslar” atamasında ushırasıw shólkemlestirildi. Ilaj rayon hákimi B.Ubbiniyazov basshılıǵında ótkerilip, onda rayon jasları menen ashıq pikir almasıw, olardıń ideya hám baslamaların qollap-quwatlawǵa qaratıldı.

Ótkerilgen ushırasıwǵa rayon prokurorı J.Ashirbayev, rayon Ishki isler bólimi baslıǵı U.Kurbanbaeva, rayon salıq inspeksiyası baslıǵı A.Arziev, sonday-aq, rayon jasları qatnastı.

Ilaj barısında rayon jasları ózleriniń innovaciyalıq ideyaların, startap joybarların hám mobilografiya baǵdarındaǵı jumısları haqqında aytıp ótti. Jaslar tárepinen bildirgen jańa usınıslar hám ámeliy baslamalar rayon basshıları tárepinen qızıǵıwshılıq penen tıńlanıp, olardı ámelge asırıw boyınsha tiyisli qollap-quwatlawlar beriletuǵını atap ótildi.

Ushırasıw jaslar ushın tek pikir almasıw maydanı ǵana bolıp qalmay, bálki olardıń keleshekke bolǵan isenimin bekkemlewshi, jańa jetisliklerge ruhlandırıwshı platformaǵa aynaldı. 

Bunday ushırasıwlar rayon jaslarınıń potensialın asırıw hám olardıń innovaciyalıq pikirlewin rawajlandırıwda úlken áhmiyetke iye. Bozataw rayonında bul badardaǵı jumıslar izbe-iz dawam etip, jaslarǵa keń múmkinshilikler jaratılmaqta.