Qaraqalpaqstan Respublikası Bozataw rayonı hákimligi

Bozataw rayonında korrupciyalıq jaǵdaylardıń aldın alıw máselelerine baǵıshlanǵan ushırasıw ótkerildi.

Búgin Bozataw rayonında Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bólimi baslıǵı B.Matmuratov basshılıǵında korrupciyalıq jaǵdaylardıń aldın alıw máselelerine baǵıshlanǵan ushırasıw bolıp ótti.

Ótkerilgen ushırasıwǵa Bozataw rayonı hákimi B.Ubbiniyazov, rayon prokurorı J.Ashirbaev, rayon Ishki isler bólimi baslıǵı U.Kurbanbaeva, rayon hákiminiń orınbasarları, tiyisli mákeme hám shólkemlerdiń basshıları, máhálle belsendileri qatnastı.

Ushırasıw dawamında korrupciyaǵa qarsı gúresiw baǵdarında sistemalı jumıslardı kúsheytiw, mámleketlik xızmetkerler arasında hadallıq hám hújdanlılıq principlerin bekkemlew, puqaralar arasında huqıqıy sawatlılıqtı arttırıw, sonday-aq, korrupciyalıq jaǵdaylardıń aldın alıw haqqında sóz etildi. 

Sonday-aq, korrupciyanıń sociallıq-ekonomikalıq rawajlanıwǵa unamsız tásiri, hár bir basshınıń jeke juwapkershiligin arttırıw zárúrligin ayrıqsha atap ótti.

Ushırasıw juwmaǵında korrupciyanıń aldın alıw boyınsha ámeliy usınıslar bildirildi hám nızamshılıqtaǵı sońǵı jańalıqlar haqqında maǵlıwmatlar berildi.

Kanalǵa aǵza bolıw:https://t.me/bozataw_uz