Qaraqalpaqstan Respublikası Bozataw rayonı hákimligi

Jańa jıl bayramı qarsańında Bozatawlı jáne bir jas turaq jay menen támiyinlendi.

Ózbekstan Respublikası Prezidentiniń 2021-jıl 9-avgust kúngi PQ-5216-sanlı qararınıń orınlanıwın támiyinlew maqsetinde, turaq-jayǵa mútájlar qatarında esapta turǵan Auyezbaeva Malika Gayrat qızına “Bozataw” PPJ aymaǵınan bárshe qolaylıqlarǵa iye bolǵan 2 xanalı turaq jay tapsırıldı.

Ilajda rayon hákimi B.Ubbiniyazov qatnasıp, ata-ana qaramaǵınan ayırılǵan jaslarǵa jaratılıp atırǵan imkaniyatlar Prezidentimizdiń turaqlı itibarında ekenligin, bunday jaslardı hár tárepleme qollap-quwatlaw, olarǵa erkin turmıs ushın zárúr sharayatlar jaratıw mámleketlik siyasattıń tiykarǵı baǵdarlarınan biri ekenligin ayrıqsha atap ótti.

Bunnan soń, turaq jay iyesi Prezidentimizdiń jaslarǵa jaratıp atırǵan imkaniyatlarına kewli tolıp, óz minnetdarshılıǵın bildirdi.

Bunday iygilikli baslamalar elimizde hár bir insannıń táǵdiri, ásirese jaslar hám ata-ana qaramaǵınan ayrılǵan balalardıń keleshegi mámleket ushın áhmiyetli ekenin jáne bir márte tastıyıqlaydı.

Kanalǵa aǵza bolıw:https://t.me/bozataw_uz