Qaraqalpaqstan Respublikası Beruniy rayonı hákimligi

"Máhálle hayal-qızlar belsendisi" mamanlıǵın arttırıw boyınsha respublikamızdıń qubla rayonları ushın oqıw kursları baslandı

Tórtkúl, Eltikqala hám Beruniy rayonları máhálle hayal-qızlar belsendileri ushın baslanǵan oqıw kursları mámleketimizde shańaraqlardı bekkemlew, hayal-qızlardıń sociallıq, siyasiy belsendiligin arttırıw maqsetinde ilim, bilimlendiriw hám ilimiy-dóretiwshilik jumısqa keńnen tartıw jáne basshı lawazımdaǵı úlesin arttırıw, hayal-qızlardı qollap-quwatlaw hám bántligine járdemlesiw, isbilermenlik kónlikpelerin qáliplestiriw, basım ótkeriw hám zorlıqtan qorǵaw, gender teńligin támiyinlew baǵdarındaǵı mamanlıǵın arttırıwdıń ilimiy-ámeliy táreplerin qamtıp alǵan bolıp, bular oqıw kurslarınıń tiykarǵı temaları boldı. Oqıw kursınıń tiykarǵı maqseti dáwir talabı tiykarında shańaraqlardı bekkemlew, hayal-qızlardı qollap-quwatlaw baǵdarında máhálle hayal-qızlar belsendileriniń kásiplik kompetenciyası hám kreativligin jetilistiriwden ibarat. Sabaqlar videomaǵlıwmat hám lekciya túrinde ótkeriliwi jolǵa qoyıldı. Oqıw úsh kún dawam etedi.