Qaraqalpaqstan Respublikası Beruniy rayonı hákimligi

Shańaraq ajırasıwlarınıń aldın alıwda mediativ institutınıń áhmiyeti.

Mámleketimizde shańaraqlardıń bekkemligin támiyinlew, olardı materiallıq hám ruwxıy jaqtan qollap-quwatlaw mámleketlik siyasattıń tiykarǵı baǵdarlarınan biri etip belgilengen. Mámleketimizde hár bir shańaraq mámleket qorǵawına alınǵan. Shańaraq kodeksi hám basqa da nızam hújjetleri shańaraqlıq qatnasıqlardı tártipke salıw, shańaraqlıq ajırasıwlardıń aldın alıw, tek ǵana erli-zayıp emes, sonıń menen birge, erjetpegen perzentlerdiń de huqıqları menen máplerin qorǵawda áhmietli orın ieleydi. Anıq mısallar járdeminde pikir júrgizetuǵın bolsaq, 2025-jıldıń birinshi yarım jıllıǵı dawamında puqaralıq isleri boyınsha Beruniy rayonlararalıq sudı tárepinen nekeden ajıratıwǵa baylanıslı 337 kelispewshilik kórilgen. Sonnan 210 shańaraq jarastırıw imkaniyatı bolmaǵanı sebepli nekeden ajıratılǵan, 39 is boyınsha jarastırıwǵa erisilgeni sebepli is júrgiziwden toqtatılǵan. Ótken jıl dawamında sud tárepinen 72 shańaraqlıq ajırasıwǵa baylanıslı dawa arza ajırasıw ushın jeterli tiykarlar bolmaǵanı sebepli qanaatlandırılmastan qaldırılǵan hám 49 is boyınsha jarasıwǵa erisilgenligi sebepli is júrgiziwden toqtatılǵan. Álbette, jámiettiń eń awır mashqalası - ajırasqan shańaraqlar haqqında sóz bolǵanda, perzentlerdiń táǵdiri insandı erksiz táshwishke saladı. Sebebi, ata-ananıń ajırasıwınan náreste

qálb ieleri hámmeden kóbirek azap shegedi, kewli kemtik halda úlkeedi. Sonı tán alıw kerek, ruwxıy jaqtan jetilmegen shaxs ómirde óz ornın tabıw, kásip tańlaw, jámietlik turmısqa beyimlesiw, teńlesleri, keń jámiechilik penen qarım-qatnasqa kirisiwde kóp qıyınshılıqlarǵa dus keledi. Juwmaqlap aytqanda, shańaraqtı qásterlep saqlaw, onıń bekkemligin támiyinlew, ajırasıw aldındaǵı shańaraqlardı jarastırıw eń iygilikli ámellerden esaplanadı. Solay eken, shańaraqlıq ajırasıwlardıń aldın alıw, tartısıp atırǵan erli-zayıptı óz-ara kelisimge keltiriw baǵdarında tek ǵana sudlar emes, al keń jámiechilik te ayrıqsha belsendilik kórsetiwi jámietimizdiń rawajlanıwına múnásip úles bolıp qosılatuǵını sózsiz

FIB Beruniy rayonlar aralıq

sudınıń sudyası D.Turaeva