Piyshembi Jaslar kúni. Beruniy rayonı hákimi jaslar menen ushırastı
2026-06-04 19:05:00 / Министрлик
Hár piyshembi hápteniń "Jaslar kúni" dep belgilengen bolıp, bul kúnde barlıq basshılar jaslar menen ushırasıp, olardıń mashqalaların tıńlap, sheshiw boyınsha barlıq ilajlardı qollanadı. Búgin Beruniy rayonı hákimi Ikram Xidirov jaslar menen ashıqtan-ashıq sóylesiwi dawamında olardıń múrájatları menen birge pikir-usınısların da tıńladı. Bildirilgen hár bir múrájattı óz waqtında sheshiw boyınsha barlıq buwın basshılarına óz aldına wazıypalar belgilep berildi. Sonday-aq, mayıplıǵı bolǵan jaslardıń medicinalıq emleniwi, densawlıǵın tiklew ushın járdem beriletuǵın boldı. Ulıwma, búgingi hákim hám jaslar ushırasıwı mashqalalardıń sheshiliwi menen bir qatarda, jaslardıń keleshektegi turmısında da jańa betler ashılıwına sebep boldı, desek qáte bolmaydı.