"Jańa Ózbekstan dóretiwshileri" kásiplik sheberlik milliy tańlawınıń rayonlıq basqıshı start aldı
2026-06-02 16:45:00 / Министрлик
Ózbekstan Respublikası Prezidentiniń 2025-jıl 23-oktyabrdegi "Professional bilimlendiriw sistemasında reformalardı ámelge asırıw ilajları haqqında"ǵı 152-sanlı qararına muwapıq jaslardıń kásipke bolǵan qızıǵıwshılıǵın arttırıw, orta buwın kadrlar arasında salamat báseki ortalıǵın jaratıw, sonday-aq, tańlaw jeńimpazı hám qatnasıwshıların ishki hám sırtqı miynet bazarında joqarı dáramatlı jumıs ornına ie bolıw imkaniyatın jaratıwǵa qaratılǵan "Jańa Ózbekstan qurılısshıları" kásiplik sheberlik milliy tańlawın shólkemlestiriw belgilengen edi. Bul tańlaw hár jılı 10 kásip boyınsha 16 jasqa tolǵan hám 30 jastan aspaǵan texnikum oqıwshıları, jaslar, studentler hám bánt bolmaǵan xalıq arasında rayon (qala), Qaraqalpaqstan Respublikası, wálayatlar hám Tashkent qalası jáne respublika kóleminde ótkeriliwi belgilengen. Búgin Beruniy rayonında usı tańlawdıń rayonlıq basqıshı bolıp ótti. Tańlawdıń rejesi boyınsha rayon hákiminiń orınbasarı D.Karimov tolıq túsinik berip ótti. Tańlaw qatnasıwshıları arnawlı úskenelengen xanalarda, biriktirilgen komissiya aǵzalarınıń qadaǵalawında shártler boyınsha bellesiwdi baslap jiberdi. Tańlaw jeńimpazları Qaraqalpaqstan Respublikası basqıshında qatnasadı.