Beruniy rayonındaǵı "Limpapo" Mámleketlik emes Mektepke shekemgi bilimlendiriw shólkeminde Ayrıqsha jaǵday hám Órt qáwipsizligi teması boyınsha tayarlaw toparında "Ashıq sabaq" bolıp ótti.
2026-04-18 10:40:00 / Министрлик
Ashıq oqıwǵa rayonlıq Mektepke shekemgi hám mektep bilimlendiriwi bóliminen mektepke shekemgi bilimlendiriw mákemeleriniń jumısın muwapıqlastırıw sektorınıń metodistleri hám MShJ tiykarında shólkemlestirilgen mámleketlik emes mektepke shekemgi bilimlendiriw shólkeminiń aldınǵı tárbiyashıları qatnastı. Ashıq sabaqta ulıwma túrdegi bilimlendiriw jumısı alıp barılıp, balalarǵa ayrıqsha jaǵday hám órt qáwipsizligi haqqında túsinikler berildi. Kórgizbeli qurallar hám MKTdan tolıq paydalanǵan halda jańa pedagogikalıq texnologiyalar tiykarında bilimlendiriw jumısı alıp barıldı. Balalardıń qızıǵıwshılıqların esapqa alǵan halda, rawajlandırıw oraylarına jiberilgen tema boyınsha bilim beriw oyın jumısları orınlandı.
Oraydıń jumısında orınlanǵan jumıslar tallanıp, balalar tárbiyashı tárepinen xoshametlendi. Bul ilajda 24-sanlı mámleketlik Mektepke shekemgi bilimlendiriw shólkeminiń tárbiyashıları da qatnasıp, óz-ara tájiriybe alıstı. Bunday tájiriybe almasıw maqsetinde ótkerilgen ashıq sabaqlar bilimlendiriwdiń sapası hám nátiyjeliligin arttırıwǵa tiykar jaratadı.