Máresimlerdi ótkeriwde ısırapgershilikke jol qoyılmaydı.
2026-03-30 17:30:00 / Министрлик
Islam dini insanlar arasında óz ara húrmet, kishipeyillik, jaqsılıqtı úgit-násiyatlap, túrli ırımlardan qaytarǵan. Biraq, sońǵı waqıtları adamlar arasında artıqsha ısırapgershilikke jol qoyılǵan túrli diniy ámeller dep qos tırnaq ishinde orınlanatuǵın máresimlerdiń kóbeyip ketiwi nátiyjesinde óz-ara túsinbewshilikler júzege kelmekte. Sonday-aq, diniy máresimlerdi ótkeriwde ózbasımshalıqqa hám ısırapgershilikke berilgen jaǵdaylar kóp ushıraspaqta. Bul baǵdarda Beruniy rayonı hákimligi janında toy hám máresimlerdi tártipke salıw boyınsha arnawlı jumısshı topar dúzilip, máhállelerdegi kóshe basıları hám imamlar bul boyınsha úgit-násiyat jumısların alıp barıwǵa, orınlarda toy máresimlerin tártipke salıwǵa juwapker esaplanadı. Diniy máresimlerdi tártipke salıw boyınsha Beruniy rayonında "Nuraniy" jámietlik fondı hám 40 máhálledegi imamlardıń qatnasıwında májilis bolıp ótti. Hár bir máhállede diniy máresimler hám shańaraqlıq jıyınlardı ótkeriwde belgilengen nızam-qaǵıyda hám tártipke ámel etiw boyınsha óz-ara kelisip alındı.