Bilimlendiriw tarawında korrupciyanıń aldın alıwǵa qaratılǵan jumıslardı bunnan bılay da joqarı basqıshqa alıp shıǵıw máseleleri dodalandı.
2026-02-11 19:05:00 / Министрлик
Bilimlendiriw tarawında korrupciyanıń aldın alıw - jámiet rawajlanıwı hám ádalatlı sistemanı qáliplestiriwdiń áhmietli shárti. Búgin Beruniy rayonındaǵı 48-sanlı ulıwma orta bilim beriw mektebinde Qaraqalpaqstan Respublikası Ministrler Keńesiniń Korrupciyaǵa qarsı ishki qadaǵalaw bólimi baslıǵı B.Matmuratovtıń qatnasıwında májilis bolıp ótti.
Onda mektep jámáátine bir qansha túsinikler berildi hám oqıtıwshılardıń pikir-usınısları tıńlandı. Keleshek áwladtı korrupciyaǵa mawasasız ruwxta tárbiyalawda ustazlardıń roli úlken ekeni aytıp ótildi. Bilimlendiriwdegi korrupciyanı azaytıw tek ǵana jazalaw menen emes, al sistemalı reforma, ashıq-aydınlıq, sanlastırıw hám ruwxıy qatnas arqalı ámelge asırıladı. Eń áhmietlisi - ádillik hám hadallıq ortalıǵın qáliplestiriw.