Múrájattaǵı áhmietli baǵdarlar keń jámiechilikke túsindirildi.
2026-01-08 17:20:00 / Министрлик
Ózbekstan Respublikası Prezidenti 2025-jıl 26-dekabrdegi Oliy Majlis hám xalqımızǵa jollaǵan Múrájatında bir qatar tiykarǵı baǵdarlarǵa toqtap ótti. Bul Múrájatta keltirilgen Jańa Ózbekstanda sociallıq-ekonomikalıq reformalar, ekonomikalıq ósiw hám abadanlıq, texnologiyalıq hám innovaciyalıq ósiw dinamikası, 2026-jıl - "Máhállelerdi rawajlandırıw hám jámietti joqarılatıw jılı" dep atalıwı, zamanagóy mámleketlik basqarıw hám ádil sud-huqıq sisteması, konstruktivlik sırtqı siyasat hám rawajlanıw strategiyası baǵdarlarında orınlarda úgit-násiyatlaw ilajları hám xalıqqa keń túrde túsindiriw jumıslarınıń alıp barılıwı jolǵa qoyılǵan. Beruniy rayonındaǵı ulıwma orta bilim beriw mektepleriniń jumısshıları arasında Múrájattaǵı altı tiykarǵı baǵdar tiykarında mámleketimizdiń uzaqtı gózlegen strategiyalıq rawajlanıw jolın bekkemlewge tiykarlanǵan úgit-násiyat ilajı bolıp ótti. Tiykarınan, texnologiyalıq hám innovaciyalıq ósiwge ótiw, jasalma intellekt, data-oraylar, kosmoslıq baǵdarlamalar, "jasıl" energetika, ekologiyalıq turaqlılıq, zamanagóy kásipler hám jańa miynet bazarı arxitekturası - bulardıń barlıǵı keleshek áwladtıń mápine xızmet etetuǵın úlken qádemler bolıp esaplanadı. Prezident Múrájatı - bul xalqımızdıń kúshine, máhálleniń qúdiretine, jaslardıń potencialına hám Jańa Ózbekstannıń aydın keleshegine bolǵan joqarı isenimniń kórinisi ekeniniń ayqın kórinisi bolıp esaplanadı.