Milliy genofondtı saqlaw milliy strategiyanıń tiykarǵı maqseti etip belgilengen.
2025-12-04 10:10:00 / Министрлик
Ózbekstan Respublikasında náshebentlik hám narkojınayachılıqqa qarsı gúresiw boyınsha 2024-2028-jıllarǵa mólsherlengen milliy strategiyanıń tiykarǵı maqsetlerine erisiw, náshebentlik hám shólkemlesken narkojınayachılıqqa qarsı gúresiw jumısın sapa jaǵınan jańa basqıshqa alıp shıǵıw arqalı xalıqtı, birinshi gezekte, jaslardıń salamatlıǵın hám millet genofondın nátiyjeli qorǵaw boyınsha kompleksli ilajlardı belgilew maqsetinde Ózbekstan Respublikası Prezidentiniń 207-sanlı Pármanı qabıl etildi. Usı pármanǵa muwapıq, Beruniy rayonında atqarıw hákimiyatı hám huqıq qorǵaw uyımları menen birgelikte ushırasıw bolıp ótti. Máhálle jetiligi, medicina hám bilimlendiriw sistemasında jumıs alıp barıwshı xızmetkerler qatnasıp, usı pármandı xalqımız arasında keńnen úgit-násiyatlaw arqalı jaslar arasında hár qıylı náshebentlik hám psixoaktiv qurallarǵa qaramlıqtıń aldın alıw, narkojınayachılıqqa qarsı gúresiw boyınsha áhmietli wazıypalar tapsırıldı. Beruniy rayonı prokurorı M.Atadjanov ushırasıw dawamında korrupciyalıq jaǵdaylardıń aldın alıw hám bunday jaǵdaylarǵa jol qoymaw, ásirese, mámleketlik xızmetkerler arasındaǵı turmıslıq korrupciyanıń aldın alıw boyınsha tiykarlı pikirlerdi bildirip ótti.