Қарақалпақстан Республикасы Беруний районы ҳәкимлиги

Húrmetli Prezidentimizdiń basshılıǵında mámleketimizdiń ekonomikalıq, siyasiy hám sociallıq turmısınıń barlıq tarawlarında hayal-qızlardıń belsendiligin arttırıw, olardıń bilim hám kásiplik kónlikpeler alıwı jáne bántligin támiyinlewge hár tárepleme járdemlesiw, isbilermenlik baslamaların bunnan bılay da qollap-quwatlaw, hayal-qızlardıń bántligin támiyinlew, mámleketlik hám jámietlik basqarıwdaǵı abırayın arttırıw, gender teńlik, shańaraq, analıq hám balalıqtı qorǵaw baǵdarındaǵı jumıslardı jańa basqıshqa kóteriw máselesine ayrıqsha itibar qaratılǵan. Hár jılı hayal-qızlardıń sociallıq qorǵalıwın kúsheytiwge qaratılǵan jumıslardı jańa basqıshqa alıp shıǵıw maqsetinde "Hayal-qızlar dápteri" qáliplestiriledi. Beruniy rayonı "Hayal-qızlar dápteri"niń 6-basqıshı kategoriyalarına kirgiziw maqsetinde 6070 hayal-qızlardıń dizimi qáliplestirildi hám "Hayal-qızlar dápteri" juwmaǵına bola kirgizildi. Rayonda 2025-jıl dawamında sociallıq qorǵawǵa mútáj hayal-qızlardan 6043ine túrli járdemler kórsetildi. "Hayal-qızlar dápteri"niń 1-kategoriyası sociallıq qorǵawǵa mútáj jumıssız hayal-qızlardan 4906 sınıń bántligi támiyinlendi. "Hayal-qızlar dápteri"niń 6-basqıshına Beruniy rayonı Orazbay Jumaniyazov mákan puqaralar jıyınınan 178 hayal-qız xatlaw tiykarında kirgizilip, olarǵa óz jumısların baslawı ushın járdemler kórsetilgen.

Beruniy rayonı medicina birlespesine qaraslı Jumaniyazov shańaraqlıq shıpakerlik punkti mámleketlik investiciya baǵdarlaması tiykarında qayta rekonstrukciyalanǵan. Aymaqtaǵı 5463 xalıqqa medicinalıq xızmet kórsetip keledi. "Hayal-qızlar dápteri"ndegi hayal-qızlar medicinalıq tekseriwden ótkerilip, tiyisli tar sheńberdegi shıpakerler tárepinen emlewge jiberildi.

Usı aymaqta jasawshı Muqaddas Xalmuratova 22 jıldan berli tigiwshilik óneri menen shuǵıllanadı. Zaman talabına say kiyim-kenshek hám perdelerdiń túrlerin úyreniw maqsetinde Ferǵana wálayatındaǵı qısqa kurslarda tájiriybe arttırıp kelgen. Úyrengenleri tiykarında túrli pishimdegi kiyimlerdi tigip, shákirtlerine de úyrete baslagan. Ónermentler awqamına aǵza bolıp, bes shákirt qızlarına tigiwshiliktiń sırların úyretip kelmekte. Mámleketimiz tárepinen berilip atırǵan imkaniyatlardan únemli paydalanıp, jumısın jolǵa qoyǵan, qosımsha dáramat alıp atırǵan hayal-qızlar búgingi kúnge kelip jumısların jáne de keńeytiwdi, qosımsha jumıs orınların jaratıp, eksportqa jaramlı ónimler islep shıǵarıwdı rejelestirgen. Demek, reformalardıń nátiyjesi hár bir qádemde kózge taslanıp, insanlardıń abadan turmısta jasawına sebep bolmaqta.