Ónerli insan elde áziz
2025-11-14 16:40:00 / Министрлик
Qol ónermenchiligi boyınsha nátiyjelerge erisip kiyatırǵan Aygúl Begmanova Beruniy rayonı Shimom awıl puqaralar jıyınında jasaydı. Ónermenchiliktiń toqıwshılıq, jasalma gúller hám zergerlik buyımların islew menen shuģıllanadı. Jaslıǵınan úyrengen óneri búgingi kúnge kelip shańaraqtıń tiykarǵı dáramat dáregine aylanǵan. Óz perzentlerine de úyretiwdi jolǵa qoyǵan. Qol óneri tiykarında hayal-qızlar kiyimlerine biserler qadaw, hár qıylı taǵınshaqlar hám jasalma gúller jasawdı shákirtlerine úyretiw menen bir qatarda, házirgi waqıtta gilem toqıw sırların da ielemekte. Taqıyatas rayonında gilem toqıw menen shuǵıllanıp atırǵan ónermentlerge shákirt bolıp, endi Shimom awılındaǵı hayal-qızlarǵa úyretiwdi rejelestirgen. Qoqand qalasında bolıp ótken ónermentlerdiń milliy kórgizbesinde qatnasqan A.Begmanova ózine kerekli tájiriybeler arttırǵan.