Qaraqalpaqstan Respublikası Ámiwdárya rayonı hákimligi

Ámiwdárya rayonı hákimi Sobir Xojametov "Amudaryo yorug‘” shańaraqlıq kárxanasına barıp, bul jerde jumıs alıp barıp atırǵan granula islep shıǵarıw procesi menen jaqınnan tanıstı.

Kárxanada zamanagóy texnologiyalar tiykarında polimer granula ónimleri islep shıǵarılmaqta. Bul ónimler jergilikli bazarda talap joqarı bolǵan qurılıs hám óndiris tarawlarında keńnen qollanılmaqta.

Sapar dawamında rayon hákimi óndirislik quwatlıqlardı arttırıw, jańa jumıs orınların jaratıw, sonday-aq, jergilikli shiyki zattan nátiyjeli paydalanıw máselelerine ayrıqsha itibar qarattı.

Kárxananıń jumısı menen tanısıw waqtında óndiris procesindegi mashqalalar hám olardı sheshiw jolları da dodalandı.