Bilimler kúni - iygilikli baslamalar menen baslandı
2025-09-04 17:20:00 / Министрлик
"Bilimler kúni" Ámiwdárya rayonında ayrıqsha kóterińki ruwxta ótti. Jańa oqıw jılınıń birinshi kúninde tek ǵana mektep háwlisinde balalardıń shoq kúlkisi, qollarında kitap hám dápterler menen sabaq dárgayına asıǵıp kiyatırǵan quwanıshlı qádemleri emes, al mehir hám ǵamqorlıq tımsalı bolǵan iygilikli baslamalar da kórindi.
Ásirese, rayon hákiminiń baslaması menen shólkemlestirilgen sawaplı is - járdemge mútáj shańaraqlardıń 200 perzentine mektep forması sawǵa etiliwi bul kúndi jáne de umıtılmasqa aylandırdı. Balalardıń júzinde jarqıraǵan kúlki, ata-analardıń kózindegi minnetdarshılıq jaslardıń bilim alıwına qaratılıp atırǵan ǵamqorlıqtıń ayqın kórinisi boldı.
