KOICA EKSPERTLERI RAYON IT ORAYÍNDA JASLAR MENEN SÁWBETLESTI
2026-11-19 17:30:00 / Министрлик

KOICA xalıqaralıq shólkeminiń ekspertleri Ámiwdárya rayonına saparı dawamında rayonlıq IT orayında da bolıp, jaslardıń málimleme texnologiyaları baǵdarında bilim alıwı ushın jaratılǵan sharayatlar menen tanıstı.
Sonday-aq, jaslar menen ushırasıw ótkerilip, olardıń IT tarawına bolǵan qızıǵıwshılıǵı, zamanagóy kásiplerdi úyreniwge umtılısı hám keleshektegi rejeleri haqqında sáwbetlesti.
Sóylesiw dawamında jaslar ushın zamanagóy IT bilimlendiriw imkaniyatların keńeytiw, olardıń bilim hám ámeliy kónlikpelerin rawajlandırıw jáne sanlı texnologiyalar tarawında maman qánige bolıp jetilisiwi ushın zárúr sharayatlardı jaratıw máselelerine ayrıqsha itibar qaratıldı.
Bul sapar etiw KOICA menen birgelikte ámelge asırılıp atırǵan grant joybarı sheńberinde rayonda IT bilimlendiriwin rawajlandırıw hám jaslardıń sanlı imkaniyatların keńeytiw jolındaǵı áhmiyetli qádemlerden biri bolıp esaplanadı.









