ÁMIWDÁRYA RAYONÍNDA PUQARALARDÍŃ MÚRÁJATLARÍ BOYÍNSHA KÓSHPELI QABÍLLAW ÓTKERILDI
2026-11-12 18:25:00 / Министрлик

Qaraqalpaqstan Respublikası Ishki isler ministriniń orınbasarı, polkovnik Yodgor Isaboev Ámiwdárya rayonında puqaralardıń múrájatların úyreniw, olardıń mashqalalarına sheshim tabıw hám xalıq penen ashıq pikirlesiwdi jolǵa qoyıw maqsetinde kóshpeli qabıllaw ótkerdi.
Kóshpeli qabıllaw dawamında puqaralar ózlerin qıynap atırǵan hár qıylı máseleler boyınsha múrájat hám usınısların bildirdi. Sonıń ishinde, ishki isler uyımlarınıń jumısına baylanıslı máseleler, huqıqıy járdem, puqaralardıń nızamlı máplerin qorǵaw hám basqa da áhmiyetli mashqalalar kórip shıǵıldı.
Hár bir múrájat juwapkerlerdiń qatnasıwında hár tárepleme tıńlanıp, olardı nızamshılıq talapları tiykarında sheshiw boyınsha tiyisli túsinikler hám kórsetpeler berildi. Qosımsha úyreniw talap etiletuǵın múrájatlardıń orınlanıwı boyınsha juwapker basshılarǵa tiyisli tapsırmalar berildi.









