ÁMIWDÁRYADA "WATAN TAYANISHI" HÁREKETI AǴZALARINIŃ SALTANATLI WÁDE BERIW MÁRESIMI BOLIP ÓTTI
2026-10-10 10:50:00 / Министрлик
Ámiwdárya rayonındaǵı Eslew maydanında "Watan tayanıshı" háreketi otryadları aǵzalarınıń saltanatlı ant beriw máresimi shólkemlestirildi.
Ilajda rayonlıq Qorǵanıw bóliminiń baslıǵı Shuhrat Mamatov hám rayonlıq Mektepke shekemgi hám mektep bilimlendiriwi bóliminiń baslıǵı Yalǵash Shomuratov shıǵıp sóylep, jaslardı Watanǵa sadıqlıq, watansúyiwshilik hám joqarı juwapkershilik ruwxında tárbiyalawdıń áhmiyetin atap ótti. Máresim dawamında jaslarǵa arnawlı kókirek belgileri hám gúwalıqlar tapsırılıp, áskeriy shıǵıwlar kórsetildi.
Házirgi waqıtta rayondaǵı bilimlendiriw mákemelerinde 86 "Watan tayanıshı" otryadı jumıs alıp barıp, háreket qatarına 1 667 oqıwshı-jaslar birlesken.
Sonday-aq, háreket aǵzaları arasınan eki pitkeriwshi Ayrıqsha jaǵdaylar ministrligi akademiyası hám Jámiyetlik qáwipsizlik universitetinde bilim almaqta.
Bul ilaj jaslar qálbinde Watanǵa muhabbat, ata-babalar miyrasına húrmet hám elimiz keleshegine baylanıslılıq sezimlerin bekkemlewge xızmet etti.