Awır máhállelerde rawajlanıw imkaniyatları úyrenildi
2026-09-16 16:00:00 / Министрлик
Oliy Majlis Nızamshılıq palatasınıń deputatı Ruslan Djumamuratov hám xalıq deputatları rayonlıq Keńesiniń deputatı - Sekretariat baslıǵı M.Urazbaevlar "Yuqarı awıl" hám "Ózbekstan" máhállelerinde bolıp, 49-sanlı Prezident qararı tiykarında awır máhállelerdi rawajlandırıw, ajıratılǵan qarjılardan nátiyjeli paydalanıw hám jańa jumıs orınların jaratıw boyınsha ámelge asırılıp atırǵan jumıslar menen tanıstı. Processte rayon hákiminiń birinshi orınbasarı Fahriddin Yusupov ta qatnastı.
Rayonda 7 awır máhállelerdi jaqsılaw baǵdarlaması sheńberinde 21 obektte qurılıs-ońlaw jumısları ushın jámi 21 mlrd sum qarjı ajıratılǵan. Házirgi waqıtqa shekem 3 obekt paydalanıwǵa tapsırılǵan, 18 inde jumıslar dawam etpekte.
Jaratılǵan infrastruktura imkaniyatları esabınan 136 isbilermenlik subektiniń jumısın keńeytiw, 82 jańa isbilermenlik subektin shólkemlestiriw hám jámi 369 jumıs ornın jaratıw názerde tutılǵan.