"Aǵartıwshılıq kárwanı" oqıw-seminarı shólkemlestirildi
2026-09-17 15:20:00 / Министрлик
Ózbekstan Respublikası Prezidenti Shavkat Mirziyoevtiń Watanımız ǵárezsizliginiń 35 jıllıǵı múnásibeti menen ótkerilgen bayram ilajındaǵı shıǵıp sóylegen sóziniń mazmun-mánisin keń jámiyechilikke jetkeriw maqsetinde sentyabr-noyabr aylarında respublikamız boylap "Birlesip, ullı tariyx jaratamız" ideyası astında "Aǵartıwshılıq kárwanı" oqıw-seminarların ótkeriw belgilengen.
Usı múnásibet penen Ámiwdárya rayonında da "Aǵartıwshılıq kárwanı" oqıw-seminarı joqarı dárejede shólkemlestirildi. Onda rayon hákiminiń orınbasarı Jasur Yaxshimov, respublikalıq úgit-násiyatlaw toparınıń aǵzaları, nuraniylar, ulıwma bilim beriw mektepleriniń direktor orınbasarları qatnastı.
Ilajda ruwxıy-aǵartıwshılıq baǵdardaǵı áhmietli máseleler, elimizde ámelge asırılıp atırǵan reformalardıń mazmun-mánisi jáne jámiyetlik turmıstaǵı áhmiyetli processler haqqında pikir-usınıslar bildirildi.
Ilaj dawamında qatnasıwshılar tema boyınsha ózlerin qızıqtırǵan sorawlarǵa juwap aldı hám ruwxıy-aǵartıwshılıq úgit-násiyatlaw jumısların jáne de nátiyjeli shólkemlestiriw boyınsha pikir hám usınıslar menen ortaqlastı. Bunday aǵartıwshılıq ilajlar jámiyette joqarı mánawiyat, watansúyiwshilik hám dóretiwshilik ruwxın bekkemlewge xızmet etedi.