Ámiwdárya rayonı hákimi Sabır Xojametovtıń rayon hákimliginde puqaralardıń múrájatları boyınsha gezektegi qabıllawı bolıp ótti
2026-09-15 12:30:00 / Министрлик
Onda hákim orınbasarları, tiyisli bólim hám shólkemler, kárxana hám mákemelerdiń juwapkerleri hám xalıq wákilleri qatnastı.
Qabıllaw dawamında puqaralar ózlerin qıynap atırǵan hár qıylı máseleler boyınsha múrájat etti. Atap aytqanda, bántlikti támiyinlew, materiallıq járdem kórsetiw, turaq jaylardı ońlaw, isbilermenlik jumısın jolǵa qoyıw ushın kredit alıw, sociallıq járdem hám basqa da máseleler boyınsha múrájatlar tıńlandı.
Hár bir múrájat hákim tárepinen hár tárepleme úyrenilip, máselelerdi ámeldegi nızamshılıq sheńberinde sheshiw, puqaralarǵa ámeliy járdem kórsetiw boyınsha juwapkerlerge tiyisli tapsırma hám kórsetpeler berildi.
Sonday-aq, ayırım múrájatlar boyınsha ornına shıǵıp úyreniw, juwapker shólkemler menen birgelikte mashqalanı saplastırıw hám orınlanıwın qadaǵalaw boyınsha wazıypalar belgilendi.
Hár bir múrájat - itibarda, hár bir mashqala - sheshim izleniwinde!