Sociallıq reestrdegi shańaraqlardıń jaǵdayı úyrenildi
2026-09-11 12:45:00 / Министрлик
Qaraqalpaqstan Respublikası prokurorı Shaxrux Aminov tárepinen Ámiwdárya rayonındaǵı "Chaykól" APJ aymaǵında sociallıq reestrge kirgizilgen shańaraqlardıń sociallıq sharayatı hám mashqalaları mánzilli úyrenildi. Úyreniw procesinde rayon hákimi Sabır Xojametov basshılıǵındaǵı juwapkerler qatnastı.
Sapar dawamında shańaraqlardıń bántligi, dáramat dárekleri hám bar mashqalaları úyrenilip, olardı sheshiw, jumıs penen támiyinlew hám qosımsha dáramat dáreklerin jaratıw boyınsha tiyisli wazıypalar belgilendi.
Sonday-aq, máhálledegi jaslar menen ushırasıw ótkerilip, olardıń múrájat hám usınısları tıńlandı. Jaslardıń bántligin támiyinlew, kásip-ónerge oqıtıw hám isbilermenlikke baǵdarlaw boyınsha juwapkerlerge tiyisli tapsırmalar berildi.