"BIZ BIRGEMIZ!" - bayram aldınan iygilikli hám sawaplı baslama
2026-08-14 12:15:00 / Министрлик
Ózbekstan Respublikası ǵárezsizliginiń 35 jıllıǵı múnásibeti menen Ózbekstan Mayıplar jámiyeti Qaraqalpaqstan bólimi tárepinen usı jıldıń 11-avgust kúni Qaraqalpaqstan Respublikası Ádillik ministrligi hám ámiwdáryalı isbilermen Dildora Xaytbaeva menen birgelikte "Biz birgemiz!" súreni astında 7-16 jastaǵı balalar arasında súwret salıw tańlawı hám shaxmat hám shashka sport túrleri boyınsha ilaj shólkemlestirildi.
Ilaj bayram aldınan balalarǵa quwanısh baǵıshlaw, olardıń bos waqtın mazmunlı shólkemlestiriw jáne talant hám qábiletlerin kórsetiwi ushın imkaniyat jaratıwǵa qaratılǵan iygilikli hám sawaplı baslama sıpatında kóterińki ruwxta ótkerildi.
Ilaj dawamında milliy nama-qosıqlar jańlap, túrli qızıqlı oyınlar shólkemlestirildi. Balalardıń quwanıshı, shın júrekten kúlisi hám belsene qatnasıwı bayramaldı ilajǵa ózgeshe payız baǵıshladı.