ÁMIWDÁRYA RAYONÍ ISHKI ISLER BÓLIMI BASLÍǴÍ MAXSUD SHERIMBETOVTIŃ RAYON XALQÍNA MÚRÁJATI
2026-08-03 17:45:00 / Министрлик
Assalawma áleykum, húrmetli Ámiwdárya rayonı turǵınları!
Húrmetli Prezidentimizdiń 2026-jıl 5-yanvardaǵı "Respublika máhállelerinde qáwipsiz ortalıqtı jaratıw baǵdarında birden-bir mánzilli islesiw sistemasın engiziwge qaratılǵan qosımsha ilajlar haqqında"ǵı PQ-1-2-sanlı qararınıń orınlanıwın támiyinlew maqsetinde rayonımız máhállelerinde jınayachılıqtıń erte aldın alıw boyınsha bir qatar ámeliy jumıslar alıp barılmaqta.
Nátiyjede, usı jıldıń 7 ayı dawamında rayonda júz bergen jámi jınayatlardan 52 si aldın alıw múmkin bolǵan jınayatlar kategoriyasına kiredi.
Ótken jıldıń sáykes dáwirine salıstırǵanda:
denege jeńil dene jaraqatın jetkeriw jaǵdayları (5/4) - 20 procentke;
aldawshılıq jınayatları (5/3) - 33,2 procentke;
ólim menen baylanıslı bolmaǵan jol-transport hádiyseleri (16/8) - 50 procentke azaydı.
Biraq, rayonda:
ólim menen baylanıslı jol-transport hádiyseleri (3/6) - 100 procentke;
denege ortasha awır dene jaraqatın jetkeriw jaǵdayları (2/3) - 50 procentke artqan.
Sonday-aq, málimleme texnologiyalarınan paydalanǵan halda júz berip atırǵan kiberjınayatlardıń sanı da jıldan-jılǵa artıp barmaqta.
Usı jıldıń 7 ayı dawamında puqaralardan 114 kiberjınayat boyınsha múrájat kelip túsken. Sonnan:
105 jaǵdayda internet tarmaqları arqalı aldawshılıq jolı menen puqaralardıń pulları talan-taraj etilgen;
9 jaǵdayda bolsa puqaralardıń bank kartalarınan pul qarjıları sheship alınǵan.
Húrmetli puqaralar!
Sizlerdi kiberjınayatlardan eskertiw hám aldawshılar duzaǵına túsip qalıwıńızdıń aldın alıw maqsetinde tómendegi usınıslarǵa ámel etiwińizdi soraymız:
telefonıńızǵa "APK Qorǵawshı" qosımshasın Play Market arqalı júklep alıp ornatıń. Bul qosımsha bank kartalarıńızdaǵı qarjılardı hám telefonıńızdı zıyanlı fayllardan qorǵawǵa járdem beredi;
Húrmetli puqaralar!
Eger huqıqbuzarlıq yamasa jınayat islep atırǵan shaxslar haqqında maǵlıwmatqa iye bolsańız, máhálleńizdegi profilaktika inspektorına yamasa 112, 61-515-35-02, 61-515-15-02 telefon nomerleri arqalı dárhal xabar beriwińizdi soraymız.
Itibarıńız ushın raxmet!