Ǵárezsizlik bayramı aldınan keń kólemli abadanlastırıw jumısları dawam etpekte
2026-08-03 09:40:00 / Министрлик
Elimiz boylap eń ullı hám eń áziz áyyyam - Ózbekstan Respublikası mámleketlik ǵárezsizliginiń 35 jıllıǵın keń kólemde belgilewge puqta tayarlıq kórilmekte. Azat hám abat elimizdiń barlıq jerlerinde úlken quwanısh aldınan ózine tán tayarlıq processleri qızǵın basqıshqa kirgen. Bıyılǵı bayram ilajları "Birden-bir Watan, birden-bir xalıq bolıp, jańa ómir hám keleshek jaratamız!" degen eldi birlestiretuǵın, kewillerge maqtanısh sezimlerin baǵıshlaytuǵın iygilikli ideya astında belgilenedi. Bul dańqlı sáneni hár tárepleme múnásip hám joqarı dárejede kútip alıw maqsetinde pútkil respublikamız aymaqlarında bolǵanı sıyaqlı Ámiwdárya rayonında da keń kólemli abadanlastırıw, kóklemzarlastırıw hám dóretiwshilik jumısları shólkemleskenlik penen shólkemlestirilmekte.