Rayon awıl xojalıǵı: yarım jıllıqtaǵı joqarı nátiyjeler
2026-08-01 09:35:00 / Министрлик
Awıl xojalıǵı - rayon ekonomikasınıń tiykarǵı hám háreketlendiriwshi kúshlerinen biri bolıp, bul baǵdarda ámelge asırılıp atırǵan sistemalı jumıslar óz nátiyjesin bermekte.
Usı jıldıń 1-iyul jaǵdayına bola, rayonımızda baǵılıp atırǵan sharwa malları hám quslardıń sanında sezilerli dárejede ósiw baqlandı. Atap aytqanda, iri qaramallardıń bas sanı 145 mıń 800 basqa jetken bolıp, sonnan 38 mıń 800 basın sıyırlar quraydı. Sonday-aq, rayon xojalıqlarında 60 mıń 400 bas qoy hám eshki, 600 bas at jáne 1 million 88 mıń bastan aslam quslar baǵılmaqta.
Fermer xojalıqları tárepinen 2026-jıldıń yanvar-iyun ayları dawamında jetistirilgen tiykarǵı túrdegi awıl xojalıǵı ónimleriniń kólemi de salmaqlı.
Dáslepki yarım jıllıqta 49 mıń 613,3 tonna biyday orıp alındı. Bunnan tısqarı, miynetkesh diyqanlarımız tárepinen 2 828,2 tonna kartoshka, 9 882,1 tonna ovosh, 4 505,4 tonna palız eginleri, 2 675,3 tonna miywe-rezavorlar hám 322,0 tonna júzim zúrááti jıynap alındı.
Sharwashılıq ónimlerin islep shıǵarıw baǵdarında bolsa tiri salmaqta 382,2 tonna gósh, 2 245,9 tonna sút, 3 769,4 mıń dana máek, sonday-aq, 7,3 tonna jún tayarlandı.
Bul statistikalıq kórsetkishler rayonımızda agrar taraw, atap aytqanda, awıl xojalıǵı tarmaǵı jedel pátler menen keńeyip, izbe-iz rawajlanıp atırǵanınan dárek beredi.
Nurjamal Tolıbaeva, rayon statistika bólimi jetekshi qánigesi