Ámiwdárya rayonı hákiminiń gezektegi jeke qabıllawı bolıp ótti
2026-07-10 14:55:00 / Министрлик
Usı jıldıń 10-iyul kúni Ámiwdárya rayonı hákimi Sobir Xwjametovtıń xalıq hám isbilermenler ushın gezektegi jeke qabıllawı shólkemlestirildi. Ashıqtan-ashıq sóylesiw puqaralardıń kúndelikli turmısındaǵı eń áhmietli mashqalalardı tereń úyreniw hám olarǵa óz waqtında nızamlı sheshim tabıw maqsetinde ótkerildi.
📌 Qızǵın ruwxta ótken qabıllawda 44 puqaradan túrli tarawlarǵa baylanıslı 49 múrájat kelip tústi. Olardıń tiykarǵı bólegin bántlik, isbilermenlikti qollap-quwatlaw hám subsidiya tiykarında úskeneler ajıratıw máseleleri quradı.
📌 Sonday-aq, puqaralar tárepinen turaq jay qurıw, kadastr hújjetlerin rásmiylestiriw, kommunal infrastrukturanı jaqsılaw (suw, elektr tarmaqları, quyash panelleri) hámde ekologiyalıq jaǵday, atap aytqanda tas maydalaw zavodları shańın qadaǵalaw hám shıǵındılardı alıp shıǵıw sıyaqlı máseleler boyınsha ámeliy járdem soraldı.
Múrájatlardıń kópshiligine usı jerdiń ózinde huqıqıy túsinikler berildi.