"Shańaraq hám hayal-qızlar mákanı"nıń jumısı úyrenildi
2026-07-06 09:05:00 / Министрлик
Ózbekstan Respublikası Prezidentiniń 2025-jıl 3-dekabrdegi "Hayal-qızlardı qollap-quwatlawǵa baylanıslı qosımsha ilajlar haqqında"ǵı PP-240-sanlı Pármanınıń orınlanıwı hám aymaqlarda shólkemlestirilgen "Shańaraq hám hayal-qızlar orayları"nıń jumısın úyreniw maqsetinde Ózbekstan Respublikası Ministrler Kabinetiniń jumısshı toparı baslıǵı D.Ermatov hám Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar basqarmasınıń baslıǵı M.Axmedova Ámiwdárya rayonında boldı.
Sapar dawamında rayondaǵı "Shańaraq hám hayal-qızlar dárgayı"nıń jumısı menen jaqınnan tanısıp, hayal-qızlardı kúsh kórsetiw hám zorlıqtan qorǵaw, olardıń huqıqları menen máplerin támiyinlew, jaslardı shańaraqlıq turmısqa tayarlaw baǵdarında ámelge asırılıp atırǵan jumıslar dodalandı.
Sonday-aq, oraydıń jumısın bunnan bılay da jetilistiriw, xalıqqa kórsetilip atırǵan xızmetlerdiń sapasın arttırıw boyınsha tiyisli usınıslar berildi.