Puqaralardıń múrájatları - itibar hám ámeliy sheshimler orayında
2026-06-19 11:50:00 / Министрлик
Ámiwdárya rayonı hákimliginde puqaralardıń múrájatların úyreniw hám olardıń mashqalalarına ámeliy sheshim tabıw maqsetinde gezektegi qabıllaw bolıp ótti.
Qabıllawǵa Ózbekstan Respublikası Oliy Majlisi Senatınıń Sud-huqıq máseleleri hám korrupciyaǵa qarsı gúresiw komitetiniń turaqlı jumıs alıp barıwshı aǵzası, senator, 10-Paxtakor saylaw okruginen Xalıq deputatları Ámiwdárya rayonlıq Keńesiniń deputatı, "Milliy tiklanish" demokratiyalıq partiyasınıń deputatı Zumrad Bekatova, rayon hákimi, Xalıq deputatları rayonlıq Keńesiniń deputatı Sabır Xojametov, sonday-aq, Xalıq deputatları rayonlıq Keńesiniń baslıǵı, Ózbekstan máhálleleri awqamınıń rayon bóliminiń baslıǵı Alisher Yoldashev qatnastı.
Qabıllaw dawamında puqaralardan sociallıq qorǵaw, bántlik, turaq jay, kommunallıq xızmetler, infrastruktura, isbilermenlik jumısın qollap-quwatlaw hám basqa da áhmietli máseleler boyınsha múrájatlar tıńlandı. Hár bir múrájat hár tárepleme úyrenilip, juwapker shólkem hám uyımlardıń basshılarına tiyisli tapsırmalar berildi.
Qabıllaw juwmaǵında múrájatlardıń orınlanıwın qatań qadaǵalawǵa alıw, puqaralardıń nızamlı máplerin támiyinlew hám anıqlanǵan mashqalalardı basqıshpa-basqısh saplastırıw boyınsha zárúr ilajlar belgilendi.
📌 Puqaralar menen pikirlesiw, olardıń dárti hám táshwishlerin tıńlaw hám mashqalalarına sheshim tabıw - xalıq máplerine xızmet etetuǵın eń áhmiyetli wazıypalardan biri.