Ámiwdáryada media-tur: rawajlanıw hám jańa joybarlar dıqqat orayında
2026-06-08 18:30:00 / Министрлик
Qaraqalpaqstan Respublikası Joqarǵı Keńesiniń baslaması menen shólkemlestirilgen media-tur dawamında jurnalist hám blogerler Ámiwdárya rayonında ámelge asırılıp atırǵan iri investiciyalıq joybarlar hám qurılıs jumısları menen tanıstı.
Sapar dawamında Ámiwdárya ústindegi avtomobil hám temir jol kópiri, "Nukus-Dilisha" JShJǵa qaraslı un ónimlerin islep shıǵarıw kárxanası, jańadan qurılǵan "Manǵıt suw tazalaw" imaratı hám Nawayı máhállesindegi kishi sanaat zonasındaǵı "BOTIR XONQA" JShJ tárepinen ishimlik suwı hám sherbetler ushın plastikalıq qadaqlaw ıdısların islep shıǵarıw kárxanası, nan hám nan ónimlerin islep shıǵarıwshı "Ravshanbek Yulduzxon" JShJ jáne sút ónimlerin qayta islep shıǵarıwǵa qánigelesken "Kamron Gold Media" JShJ jumısı úyrenildi.
Sonday-aq, jańa óndiris kárxanaları, jaratılıp atırǵan jumıs orınları hám xalıqtıń abadanlıǵın arttırıwǵa qaratılǵan joybarlar media wákillerinde úlken tásir qaldırdı.
Búgingi Ámiwdárya - sanaat, investiciya hám zamanagóy infrastruktura jedel rawajlanıp atırǵan aymaqlardan biri.