Ámiwdárya rayonı hákimi "Tosh jap" APJda kóshpeli qabıllaw ótkerdi
2026-06-06 15:50:00 / Министрлик
Ámiwdárya rayonı hákimi Sabır Xojametov tárepinen 2026-jıl 4-iyun kúni "Tas jap" awıl puqaralar jıyınında xalıq hám isbilermenler menen gezektegi kóshpeli qabıllaw shólkemlestirildi.
Kóshpeli qabıllawdan gózlengen tiykarǵı maqset - puqaralardı qıynap kiyatırǵan mashqalalardı ornına shıqqan halda úyreniw, múrájatlardı tikkeley tıńlaw hám olardıń sheshimi boyınsha ámeliy ilajlar kóriwden ibarat boldı.
Ushırasıw dawamında puqaralar tárepinen kóshe jollarına tas tósew, jeńillikli kredit ajıratıw, elektr támiynatın jaqsılaw, emleniw ushın ámeliy járdem kórsetiw sıyaqlı máseleler boyınsha múrájatlar bildirildi.
Qabıllaw procesinde 8 puqaradan 9 múrájat kelip túsip, olardıń hár biri hár tárepleme úyrenildi hám ayrıqsha qadaǵalawǵa alındı. Kóterilgen máselelerdi unamlı sheshiw boyınsha tiyisli shólkem hám mákeme basshılarına anıq tapsırmalar berildi.
Xalıqtıń múrájatları menen islesiw, puqaralardıń mashqalalarına sheshim tabıw hám xalıq penen ashıq pikirlesiwdi támiyinlew baǵdarındaǵı bunday kóshpeli qabıllawlar izbe-iz dawam ettiriledi.