Zamanagóy texnologiyalar - joqarı zúráát hám nátiyjelilik girewi
2026-06-01 17:15:00 / Министрлик
Ámiwdárya rayonı Chaykól awılındaǵı "Chaykól-Doslıq" fermer xojalıǵı paxta maydanında ǵawasha tárbiyasına baǵıshlanǵan ámeliy seminar bolıp ótti.
Onda rayon hákimi Sabır Xojametov, awıl xojalıǵı tarawınıń juwapkerleri, qánigeler hám fermer xojalıqlarınıń basshıları qatnastı.
Seminar dawamında zamanagóy DJI Agras T100 dronları járdeminde ǵawasha japıraqların azıqlandırıw hám agrotexnikalıq ilajlardı ámelge asırıw processleri ámeliy tárizde kórsetildi. Qánigeler tárepinen dronlardıń texnikalıq imkaniyatları, abzallıqları hám awıl xojalıǵındaǵı nátiyjeliligi haqqında tolıq maǵlıwmatlar berildi.
Atap ótilgenindey, DJI Agras T100 dronları bir toltırıwda ortasha 6-10 gektar maydanǵa islew beriw imkaniyatına iye. Kúnlik jumıs ónimdarlıǵı bolsa 120-200 gektarǵa shekem, qolaylı sharayatlarda onnan da joqarı nátiyjelerdi kórsetiwi múmkin.