Sońǵı qońıraw" - jańa ómirge qaray áhmiyetli qádem
2026-05-25 18:30:00 / Министрлик
Ámiwdárya rayonındaǵı ulıwma bilim beriw mekteplerinde "Sońǵı qońıraw" ilajları kóterińki ruwxta dawam etpekte. Atap aytqanda, 40-sanlı ulıwma bilim beriw mektebinde shólkemlestirilgen bayram ilajı saltanatlı túrde ótkerildi.
Ilaj dawamında Ózbekstan Respublikası Prezidenti Shavkat Mirziyoyevtiń mektep pitkeriwshilerine jollaǵan qutlıqlawı oqıp esittirildi.
Onda Ámiwdárya rayonı hákimi Sobir Xojametov qatnasıp, pitkeriwshi jaslardı, olardıń ata-anaları hám ustazların usı umıtılmas kún menen qızǵın qutlıqladı.
Atap ótilgenindey, búgingi pitkeriwshiler Jańa Ózbekstannıń erteńgi qurıwshıları bolıp, olardıń bilimli, intaker hám watansúyiwshi bolıp kamalǵa keliwi mámleket rawajlanıwınıń áhmietli faktorı bolıp esaplanadı.
Bul mekteptiń 11-klasın 143 oqıwshı tamamlap atırǵan bolıp, olar arqalı rayondaǵı barlıq pitkeriwshilerge jaqsı tilekler bildirildi.
Maǵlıwmat ushın, bıyıl Ámiwdárya rayonındaǵı 86 ulıwma bilim beriw mektebin jámi 3238 pitkeriwshi tamamlamaqta.