"Aral teńizine poezd" - jaslar qálbinde ekologiyalıq pikir oyatqan ruwxıy sayaxat
2026-05-22 17:35:00 / Министрлик
Ámiwdárya rayonındaǵı eski Shılpıq qalasında "Aral teńizine poezd" jaslar ekologiyalıq akciyası hám "Biz Aral menen birgemiz" eko-marafonı bolıp ótti.
Bul ilajda respublikamızdıń túrli aymaqlarınan kelgen joqarı oqıw orınlarınıń studentleri belsene qatnastı. Ekologiya hám turizm baǵdarında bilim alıp atırǵan jaslar Shılpıq qalasınıń bay tariyxı, Aralboyı aymaǵınıń mádeniy miyrası hám ekologiyalıq mashqalaları menen jaqınnan tanıstı.
Áyemgi tariyx hám zamanagóy oy-pikir úylesken bul orın jaslarda úlken tásir qaldırdı.
"Biz Aral menen birgemiz" eko-marafonı bolsa jaslardıń tábiyatqa baylanıslılıq sezimin jáne de bekkemlep, ekologiyalıq mashqalalarǵa biypárwa bolmawǵa shaqırdı.
Bunday ruwxıy-aǵartıwshılıq ilajlar jaslardıń dúnyaqarasın bayıtadı, ekologiyalıq oy-pikirin qáliplestiredi hám Aralboyı aymaǵınıń turistlik potencialın keńnen úgit-násiyatlawǵa xızmet etedi.