"Ádillik seyili" hám "Jaslar seyili" - huqıqıy bilim hám belsendilik maydanı
2026-05-21 18:15:00 / Министрлик
Ádillik ministrliginiń baslaması menen shólkemlestirilgen "Ádillik seyili" hám "Jaslar seyili" keń kólemli huqıqıy-aǵartıwshılıq ilajları xalıq, ásirese, jaslar ushın haqıyqıy ruwxıy-aǵartıwshılıq maydanǵa aylandı.
Ilajlar dawamında puqaralardıń huqıqıy sanası hám mádeniyatın arttırıw, salamat turmıs tárizin úgit-násiyatlaw hám jaslardı watansúyiwshilik ruwxında tárbiyalawǵa qaratılǵan bir qatar ámeliy joybarlar shólkemlestirildi.
Atap aytqanda:
🔹 "Salamatlıq ushın bes mıń qádem" ǵalabalıq júriw akciyası;
🔹 sport jarısları hám salamat turmıs tárizin úgit-násiyatlaw;
🔹 áskeriy-watansúyiwshilik ruwxındaǵı kórgizbeli shıǵıwlar;
🔹 milliy ónermenchilik, kitap hám ónimler yarmarkaları;
🔹 túrli kórgizbeler hám mádeniy baǵdarlamalar;
🔹 puqaralardıń múrájatları boyınsha kóshpeli qabıllawlar shólkemlestirildi.
Ilaj dawamında juwapker shólkemler tárepinen puqaralardıń múrájatları tıńlanıp, olardıń mashqalalarına sheshim tabıw boyınsha ámeliy járdemler kórsetildi.
Bul joybar xalıqqa huqıqıy málimlemeni jetkeriw, mámleketlik xızmetlerdi jáne de jaqınlastırıw hám jaslardıń jámiyettegi belsendiligin arttırıwǵa xızmet etti.